Raza Musani 
ماسکو: روس کے صدر ولادیمیر پیوٹن نے دعویٰ کیا ہے کہ اسرائیلی قیادت نے ایران کو پیغام پہنچانے کی درخواست کی ہے کہ وہ مزید تصادم نہیں چاہتے اور تناؤ کو کم کرنا چاہتے ہیں۔ پیوٹن نے کہا کہ روس اسرائیل کے ساتھ اعتماد پر مبنی رابطے جاری رکھے ہوئے ہے اور اسرائیلی قیادت کی طرف سے ایسے اشارے موصول ہو رہے ہیں جو ایران تک پیغام پہنچانے کی درخواست کرتے ہیں کہ اسرائیل مزید تصادم نہیں چاہتا اور مسائل کو سفارتی ذرائع سے حل کرنا چاہتا ہے۔
ادھر روسی وزیرخارجہ سرگئی لاروف نے مغربی ممالک کی جانب سے ایران کے خلاف اسنیپ بیک میکنزم کے استعمال کی شدید مذمت کی ہے، اور اسے غیر قانونی، اشتعال انگیز اور یکطرفہ اقدام قرار دیا ہے۔ ان کا کہنا ہے کہ مغرب بین الاقوامی قوانین کو مسخ کر کے ایران پر دوبارہ پابندیاں عائد کرنے کی کوشش کر رہا ہے۔ اگر مغرب نے یہ رویہ جاری رکھا تو عالمی نظامِ انصاف اور سفارتی توازن دونوں متاثر ہوں گے۔
