Raza Musani 
جنیوا : اقوام متحدہ، برطانیہ ، فلسطین اور اردن نے مقبوضہ مغربی کنارے میں اسرائیل کی 22 نئی غیر قانونی بستیاں بسانے کے اقدام کو غیرقانونی قرار دیتے ہوئے مسترد کردیا ہے۔ اقوام متحدہ کے سربراہ کے ترجمان اسٹیفن دوجارک نے کہا ہے کہ مقبوضہ مغربی کنارے میں اسرائیل کی 22 نئی غیر قانونی بستیاں دو ریاستی حل کی کوششوں کے خلاف غلط سمت میں دیکھا جائے گا۔
برطانیہ کے وزیر برائے شرقِ اوسط ہمیش فالکنر نے کہاہےکہ نئی آبادیوں کی منظوری فلسطینی ریاست کی راہ میں دانستہ رکاوٹ ہے۔ برطانیہ ان اقدامات کی مذمت کرتا ہے۔
فلسطینی اتھارٹی نے کہا کہ اسرائیل کا نیا آبادکاری کا خطرناک منصوبہ خطے کو تشدد اور عدم استحکام کے چکر میں ڈال دے گا۔
اردن کی وزارت خارجہ نے اسرائیلی فیصلے کو بین الاقوامی قانون کی کھلی خلاف ورزی اور امن کے امکانات کو نقصان پہنچانے کا اقدام قرار دیا۔
