نیٹو ممالک روس کو صفحہ ہستی سے مٹانا چاہتے ہیں، پیوٹن

ماسکو: روسی صدر ولادیمیر پیوٹن نے کہا ہے کہ نیٹو ممالک روس کو صفحہ ہستی سے مٹانا چاہتے ہیں۔ہم ان کی جوہری صلاحیتوں کو نظر انداز نہیں کرسکتے۔ روسی صدر نے کہاکہ نیٹو کے تمام سرکردہ ممالک نے اپنا اصل ہدف ہمیں اسٹریٹجک شکست سے دوچار کرنے کو قرار دیا ہے۔ تاکہ ہمارے لوگوں کو نقصان اٹھانا پڑے۔ ان کا ایک ہی مقصد ہے سابق سوویت یونین اور اس کے بنیادی حصے روسی فیڈریشن کو ختم کرنا۔انہوں نے مغرب کو یوکرین کے جرائم کا بالواسطہ ساتھی قرار دیا کیونکہ وہ سابق سوویت ملک کو مہلک ہتھیار فراہم کرتا رہتا ہے۔ پیوٹن نے کہاکہ وہ دسیوں ارب ڈالر کے ہتھیار یوکرین کو بھیج رہے ہیں۔کیا یہ جنگ میں شرکت نہیں ہے؟۔۔ کیوں کہ یہ محض فوجی تکنیکی تعاون نہیں ہے، کیونکہ وہ اس کے لیے رقم وصول نہیں کرتے۔