Raza Musani 
مقبوضہ بیت المقدس : اسرائیل میں متنازع عدالتی اصلاحات پر فوج میں بغاوت نے سراٹھالیا۔ سینکڑوں اہلکاروں نے ریزرو سروس معطل کرنے کی دھمکی دیدی۔ اسرائیل کے 1142 ریزرو فوجیوں نے ایک مشترکہ بیان جاری کیا ہے۔ جس میں عدلیہ سے متعلق قانون سازی روکنے پر زور دیا گیا ہے۔ بیان پر 235 فائٹر پائلٹ، 173 ڈرون آپریٹر اور 85 کمانڈو سپاہیوں نے دستخط کیے ہیں۔ سیکیورٹی کونسل کے رکن جنرل گیرشون ہاکوہن نے بیان کو فوجی بغاوت کے مترادف قرار دے دیا، بیان میں کہا گیا ہے کہ ہم سب پر عوام میں گہری تقسیم، پولرائزیشن اور پھوٹ کو روکنے کی ذمہ داری عائد ہوتی ہے۔ انہوں نے لکھاکہ قانون سازی کے نتیجے میں اعتماد میں کمی آئے گی۔ اس سے میری رضامندی کے بغیر میری جان کو خطرے میں ڈال دیا جائے گا۔عدالتی نظام میں لوگوں کے تمام طبقات کے اعتماد کو حاصل کیا جائے اور عام لوگوں کی آزادی کو محفوظ رکھا جائے۔
