Raza Musani 
اسلام آباد: عالمی اسکول گرلز کانفرنس نے مسلم معاشروں میں لڑکیوں کی تعلیم کو کسی بھی قسم کی رکاوٹ کے بغیر یقینی بنانے پر زور دیا ہے۔ پاکستانی دارالحکومت اسلام آباد میں دو روزہ عالمی اسکول گرلز کانفرنس کے اعلامیہ میں لڑکیوں کی تعلیم کے فروغ کے لیے جامع سفارشات پیش کی گئی ہیں اور تعلیم ہر لڑکی کا بنیادی حق قراردیا گیا ہے۔ حکومتوں پر زور دیا گیا کہ وہ تعلیمی وسائل کے لیے بجٹ میں اضافہ کریں۔ اسکالر شپس فراہم کریں اور جدید ڈیجیٹل مواد کی تیاری کو ممکن بنائیں تاکہ دور دراز علاقوں میں تعلیم کی رسائی کو یقینی بنایا جا سکے۔ مذہبی رہنماؤں کو تعلیم کے اسلامی اصولوں کو اجاگر کرنے اور عوامی شعور بیدار کرنے کی ترغیب دی گئی ہے۔
