یمن پر حملوں میں 49 ہزار سے زائد افراد مارے گئے، رپورٹ

صنعا: یمن پر عرب حملوں میں اننچاس ہزار سے زائد ہلاکتوں اور 30 ہزار سے زائد افراد کے زخمی ہونے کا انکشاف ہوا ہے۔ یمن کی انسانی حقوق کی تنظیم دی آئی آف ہیومنٹی سینٹر فار رائٹس اینڈ ڈیویلپمنٹ نے یمن جنگ پر اپنی رپورٹ جاری کردی۔ رپورٹ کے مطابق سعودی حملوں میں 49 ہزار 340 شہری مارے گئے ان میں 18 ہزار سے زائد وہ لوگ جن کی موت المناک رہی۔ جبکہ 31 ہزار سے زائد افراد شدید زخمی ہوئے۔ جنگ میں 4 ہزار 901 بچوں کی بھی موت ہوئی۔ اس جنگ میں مرنے والی خواتین کی تعداد 2 ہزار 475 بتائی گئی جبکہ 11 ہزار 716 مرد بھی مارے گئے۔