Raza Musani 
نیویارک : اقوام متحدہ کے انسانی حقوق کے ادارے کے مطابق 10سالہ شامی خانہ جنگی میں کم از کم 3لاکھ 6 ہزار عام شہری مارے جا چکے ہیں۔ یہ تعداد گزشتہ لگائے گئے اندازوں سے زیادہ بنتی ہے۔ ان اعداد و شمار کے مطابق خانہ جنگی کے دس برسوں میں یومیہ 80 سے زائد عام شہری ہلاک ہوئے۔ قبل ازیں اقوام متحدہ نے کہا تھا کہ شامی خانہ جنگی میں مجموعی طور پر ساڑھے تین لاکھ ہلاکتیں ہوئی ہیں اور ان میں عام شہریوں کی تعداد تقریباً ایک لاکھ چالیس ہزار بنتی ہے۔اقوام متحدہ کی طرف سے جاری کردہ اس تازہ رپورٹ میں تصادم کے دوران ہلاک ہونے والے فوجیوں یا عسکریت پسندوں کی تعداد شامل نہیں ہے۔
