Raza Musani 
لاہور: نائب امیر مرکزی جمعیت اہل حدیث ڈاکٹر عبدالغفور راشد نے محسن پاکستان ڈاکٹر عبدالقدیر خان کے انتقال پر اظہارِ افسوس کرتے ہوئے اسے قومی نقصان قراردیا ہے۔ تعزیتی بیان میں انہوں نے کہا کہ ملک کو ایٹمی طاقت بنانے میں ڈاکٹر عبد القدیر خان کا مثالی کردار ہے۔ان کے انتقال پر ہر محب وطن پاکستانی کی آنکھ اشکبار ہے۔پاکستان کے دفاع کو ناقابلِ تسخیر بنانے والے کو قوم ہمیشہ یاد رکھے گی۔ پاکستان کی ایٹمی میدان میں کامیابیاں ڈاکٹر قدیر کی مرہون منت ہیں۔ ڈاکٹر عبدالقدیر کی وفات قومی سانحہ ہے ،ہم عظیم مسلم سائنسدان اور قومی ہیرو سے محروم ہو گئے ہیں۔
