Raza Musani 
غزہ : غزہ میں اسرائیل کے حملے 86 ویں روز سے جاری ہیں۔ تازہ حملوں میں مزید ڈھائی سو فلسطینی شہید ہوگئے۔ اسرائیلی فوج نے وسطی غزہ میں سولہ مقامات پر قتل عام کیا۔عمارتوں اور پناہ گزین کے کیمپوں پر حملوں میں المغازی اور خان یونس میں ایک سو پینسٹھ افراد شہید ہوگئے۔ شمالی غزہ میں حملوں کے دوران اسی سے زائد افراد شہید ہوئے۔ اسرائیلی نے غزہ پر فضائی، زمینی اور سمندری راستوں سے حملہ کیا ہے۔ جنگی طیاروں نے الزوائدہ اور وسطی غزہ کے پناہ گزین کیمپوں کو بھی نشانہ بنایا۔
حماس سے جھڑپوں میں میجر سمیت دو اسرائیلی فوجیوں کی ہلاکت کی تصدیق کردی۔ حماس کے مطابق اس نے کئی فوجی گاڑیاں اور ٹینک تباہ کردیئے حملوں میں متعدد اسرائیلی فوجی ہلاک اور زخمی ہوئے ہیں۔
