شہید یحییٰ السنوار کے بھائی ذکریا زندہ، تاہم زخمی اور حالت تشویشناک ہے

غزہ : غزہ میں حماس کے ذرائع نے شہید یحییٰ السنوار کے بڑے بھائی کی شہادت کی تردید کرتے ہوئے ان کے شدید زخمی ہونے کی تصدیق کی۔ الجزیرہ ٹی وی چینل کے نمائندے نے حماس کے ذرائع کے حوالے سے بتایا کہ شہید یحییٰ السنوار کے بڑے بھائی زکریا السنوار تاحال زندہ ہیں۔ انہوں نے وضاحت کہ ڈاکٹروں کی جانب سے زکریا السنوار کی موت کے اعلان کے بعد انہیں ہسپتال کے سرد خانے میں منتقل کر دیا گیا تھا تاہم زندگی کے آثار واضح ہونے کے بعد انہیں دوبارہ اسپتال منتقل کیا گیا اور اب وہ زخموں کی شدت کی وجہ سے تشویش ناک حالت میں ہیں۔فلسطینی ذرائع ابلاغ نے رپورٹ دی تھی کہ زکریا السنوار نصیرات کیمپ پر اسرائیلی حملوں میں ان کے اہل خانہ سمیت شہید ہو گئے۔