محدود امداد قحط کا خطرہ ٹالنے کیلئے کافی نہیں ہے، ڈبلیو ایف پی

غزہ : ورلڈ فوڈ پروگرام (ڈبلیو ایف پی) نے خبردار کیا ہے کہ غزہ میں حال ہی میں بھیجی گئی محدود انسانی امداد جنگ زدہ علاقے میں قحط کے بڑھتے ہوئے خطرے کو ٹالنے کے لیے کافی نہیں ہے۔ ڈبلیو ایف پی نے اپنے آفیشل ایکس اکاؤنٹ پر کی گئی پوسٹ میں غزہ کی آبادی کو ضروری خوراک کی فراہمی کی زیادہ مقدار کی فوری ضرورت پر زور دییتے ہوئے لکھا کہ لوگوں کے زندہ رہنے کے لیے صرف روٹی ہی کافی نہیں ہے۔
اقوام متحدہ کی ایجنسی نے خبردار کیا کہ امداد کا پیمانہ کافی حد تک ناکافی ہے۔ مٹھی بھر بیکریاں راتوں رات محدود سامان حاصل کرنے کے بعد روٹیاں بنا رہی ہیں۔ یہ ابتدائی قدم ہے۔ ایجنسی نے مطالبہ کیا کہ امداد کو بڑھایا جانا چاہیے۔ قحط کے خطرے کو پیچھے دھکیلنے کے لیے مزید ضروری خوراک کی ضرورت ہے۔ ایجنسی نے بڑے پیمانے پر غذائی امداد اور بنیادی ضروریات کے فوری اور مستقل داخلے کے اپنے مطالبے کا اعادہ کیا تاکہ بڑے پیمانے پر غذائی قلت کو روکا جا سکے۔ واضح رہے کہ غزہ میں تین ماہ بعد نوے امدادی ٹرک داخل ہوئے تھے۔