Raza Musani 
بیروت : لبنان کے پناہ گزین کیمپ عین الحلوہ میں فلسطینی گروپوں میں دوبارہ لڑائی چھڑگئی۔ جھڑپوں میں چار افراد ہلاک اور کئی زخمی ہوگئے۔ فلسطینی پناہ گزین کیمپ میں جمعہ کو فائربندی چند گھنٹے برقرار نہ رہ سکی۔ ہفتے کو کیمپ کی گلیوں میں متحارب گروپوں میں دن بھر شدید جھڑپیں جاری رہیں۔ فریقین نے مشین گنوں، راکٹوں، دستی بموں اور سنائپر ہتھیاروں کا استعمال کیا۔ صیدا میں متعدد گولے گرے۔ جھڑپوں میں الفتح کا ایک رکن، ینگ مسلم گروپ کا ایک رکن اور دو عام شہری مارے گئے۔ جھڑپوں میں کئی افراد زخمی ہوگئے۔ جھڑپوں کی وجہ سے کیمپ اور آس پاس کی آبادی کو نقل مکانی پر مجبور ہونا پڑا۔ گذشتہ ماہ یہ جھڑپیں اس وقت شروع ہوئیں جب تحریک فتح نے عسکریت پسندوں پر اپنے فوجی جنرل کو ہلاک کرنے کا الزام لگایا۔ لڑائی میں 13 افراد ہلاک اور درجنوں زخمی ہوئے جب کہ سینکڑوں کو اپنے گھر بار چھوڑنا پڑے تھے۔
