Raza Musani 
بیروت : لبنان اور اسرائیل نے تین دہائیوں کے بعد پہلی بار براہ راست مذاکرات کئے ہیں۔ بات چیت سے کسی فوری نتیجے کی توقع نہیں ہے۔ امریکی محکمہ خارجہ کے نائب ترجمان ٹومی پگٹ نےکہا کہ مذاکرات کے بعد دونوں فریقوں نے حزب اللہ کے اثر و رسوخ کو کم کرنے کےلیے کام کرنے پر اتفاق کیا ہے۔ دونوں فریقوں نے براہِ راست مذاکرات کے اگلے دور کے انعقاد پر بھی بات کی ہے۔ جس کا وقت اور مقام بعد میں طے کیا جائے گا۔ امریکی وزیر خارجہ مارکو روبیو نے اسے خطے میں حزب اللہ کا اثر و رسوخ کو ختم کرنے کا تاریخی موقع قرار دیا۔ لبنان کے صدر جوزف عون نے ایک بیان میں امید ظاہر کی کہ یہ مذاکرات لبنانی عوام، خصوصاً جنوبی علاقوں کے لیے تکالیف کے خاتمے کا آغاز ثابت ہوں گے۔
