کراچی، 6 انتخابی حلقوں سے ایم ڈبلیو ایم کے امیدواروں کے کاغذات نامزدگی داخل

کراچی : مجلس وحدت مسلمین پاکستان کراچی ڈویژن شعبہ سیاسیات کی جانب سے 6 انتخابی حلقوں سے امیدواروں کے کاغذات نامزدگی ریٹرننگ افسران کے پاس جمع کروا دیئے گئے ہیں۔ ایم ڈبلیو ایم نے اب تک کراچی کے 2 قومی اور چار صوبائی اسمبلی کے حلقوں سے امیدواروں کے کاغذات نامزدگی داخل کروائے ہیں، جن میں قومی اسمبلی حلقہ NA-235 گلزار ہجری ضلع شرقی، قومی اسمبلی حلقہ NA-231 ملیر 3، PS-89 ملیر، PS-98 گلزار ہجری، PS-125 کراچی وسطی، PS-85 ملیر شامل ہیں۔
ایم ڈبلیو ایم کی جانب سے نامزد امیدواروں میں صوبائی پولیٹیکل سیکرٹری سید علی حسین نقوی نامزد امیدوار برائے صوبائی اسمبلی PS-89 ملیر، PS-98 گلزار ہجری، PS-125 کراچی وسطی، برائے قومی اسمبلی NA-235 گلزار ہجری، سید عارف رضا زیدی نامزد امیدوار برائے قومی اسمبلی NA-231 ملیر 3، صدر ضلع ملیر سید احسن عباس رضوی نامزد امیدوار برائے صوبائی اسمبلی PS-89 ملیر 3، صابر عمران نامزد امیدوار برائے صوبائی اسمبلی PS-85 ملیر شامل ہیں۔ 8 فروری 2024ء کو ملک بھر میں ہونے والے قومی انتخابات میں مجلس وحدت مسلمین کے نامزد امیدوار ان شاء اللہ خیمہ کے نشان پر حصہ لیں گے۔