Raza Musani 
جونا گڑھ: بھارت کے شہر جوناگڑھ میں درگاہ گرانے کے نوٹس پر ہنگامے پھوٹ پڑے۔ پولیس سے جھڑپوں میں ایک شخص جاں بحق اور دس افراد زخمی ہوگئے۔ ریاست گجرات کے شہر جوناگڑھ میں درگاہ کو ہٹانے کے نوٹس پر ماحول کشیدہ ہو گیا۔ مسلمانوں کی بڑی تعداد احتجاج کیلئے جمع ہوئی تو پولیس نے ہجوم کو منتشر کرنے کیلئے لاٹھی چارج اور شیلنگ کی۔ جس پر ہجوم مزید مشتعل ہوگیا اور اس نے پولیس پر پتھراؤ کیا۔ مظاہرین اور پولیس کی جھڑپ کے دوران ایک شخص کی موت ہو گئی ہے، جبکہ کئی افراد زخمی ہوئے ہیں۔ جس میں پولیس اہلکار بھی شامل ہیں۔ پولیس نے 174 لوگوں کو حراست میں لے لیا ہے اور بعض نوجوانوں کو درگاہ کے سامنے کھڑا کرکے کوڑے لگائے۔ صورت حال سے نمٹنے کے لیے درگاہ کے اطراف میں پولیس کی بھاری نفری تعینات کر دی گئی ہے۔
