Raza Musani 
تل ابیب: اسرائیل کی پچپن فیصد آبادی کے رائے ہے کہ غزہ میں مکمل فتح ممکن نہیں ہے۔ اسرائیلی ڈیموکریسی انسٹیٹیوٹ کے سروے کے مطابق اڑتیس اعشاریہ تین فیصد کا خیال ہے کہ مکمل فتح ممکن ہے۔ اسرائیل کے وزیراعظم بن یامین نیتن یاہو مسلسل مکمل فتح کی باتیں کررہے ہیں جس پر اسرائیل میں اکثریت متفق نہیں۔ اسرائیلیوں کے مطابق غزہ سے حماس کا خاتمہ ناممکن ہے اور نہ ہی اسرائیل غزہ پر مکمل کنٹرول سنبھال سکتا ہے۔حماس کی سرنگوں کو ختم کرنا بھی آسان کام نہیں ہوگا۔ غزہ میں رہنے والوں سے مقابلہ انتہائی دشوار ہے۔ کچھ اسرائیلیوں کا کہنا تھا کہ انہیں بتایا گیا کہ شمالی غزہ پر کنٹرول حاصل کرلیا گیا ہے اور اب وہاں سے فوجیوں کی موت کی خبریں آرہی ہیں۔ یہ ثابت کرنے کے لیے کافی ہے کہ غزہ سے حماس کا خاتمہ اور اسرائیل کی مکمل فتح کا کوئی امکان نہیں اس لئے جنگ بندی ہی بہتر آپشن ہے۔
