Raza Musani 
بیروت :جنگ بندی کے باوجود اسرائیلی فوج کے لبنان کے مشرقی اور جنوبی علاقوں پر فضائی حملوں میں 12 افراد شہید اور پچاس سے زائد زخمی ہو گئے۔ اسرائیل نے حزب اللہ اور حماس کے ٹھکانوں کو نشانہ بنانے کا دعویٰ کیا ہے۔
اسرائیلی فوج نے مشرقی علاقے بقاع وادی میں ایک عمارت کو نشانہ بنایا ۔ اس حملے میں دس افراد شہید اور پچاس سے زائد زخمی ہوگئے۔ اسرائیلی فوج نے حزب اللہ کے مبینہ کمانڈ مراکز کو نشانہ بنانے کا دعویٰ کیا ہے۔ جبکہ حزب اللہ کے ذرائع کے مطابق شہید افراد میں ایک کمانڈر بھی شامل ہے۔ اسرائیلی فوج نے بعلبک میں بھی کئی مقامات پر حملے کئے۔ اس سے پہلے صیدا کے مضافات میں واقع عین الحلوہ پناہ گزین کیمپ پر حملے میں کم از کم دو افراد جان سے گئے۔
اسرائیلی ڈرون نے کیمپ کے حطین محلے میں حماس کے ایک کمانڈ سینٹر کو نشانہ بنایا۔ حماس نے حملے کی مذمت کرتے ہوئے کہا ہے کہ اس کے نتیجے میں عام شہری ہلاک ہوئے۔
