ترکیہ میں تخریب کاری کا اسرائیلی منصوبہ بے نقاب

انقرہ : ترکیہ میں اسرائیلی خفیہ ایجنسی موساد سیل کی گرفتاری کے بعد اس کی منصوبہ بندی کی تفصیلات سامنے آگئی ہیں۔ ترکیہ میں موساد کے 33 مشتبہ ایجنٹوں کو گرفتار کیا گیا تھا۔ موساد کے ایجنٹ ترکیہ میں رہائش پذیر غیر ملکیوں کو نشانہ بنانے کا ارادہ رکھتے تھے، یہ افراد بم دھماکے، تخریب کاری، قتل، اغوا، کمپیوٹرز، فونز اور وائی فائی نیٹ ورکس کو ہیک کرنے کی کارروائیوں میں ملوث ہیں۔ موساد میں بھرتی کرنے سے پہلے ان ایجنٹوں کے ٹیسٹ کرائے گئے تھے اور ان کی وفاداری کو یقینی بنایا گیا تھا۔