Raza Musani 
تل ابیب : اسرائیل کے آرمی ریڈیو نے امداد کے ذریعے شمالی غزہ کو مکمل غیرآباد علاقے میں بدلنے کا اسرائیلی منصوبہ بے نقاب کردیا۔ ریڈیو کے ملٹری رپورٹر ڈورون کدوش نے کہا کہ اسرائیلی فوج امریکی فرموں کے ذریعے رفح۔ خان یونس اور رفح کو الگ کرنے والے موراگ ایکسس اور نیٹزارم کوریڈور میں امداد کی تقسیم کے چار مراکز بنارہی ہے۔
قادوش نےکہا کہ نیٹزارم کوریڈور میں امدادی مرکز صلاح الدین اسٹریٹ پر تعمیر کیا جائے گا اور جو کوئی بھی شمال سے نیٹزارم کوریڈور میں تقسیم کے مرکز کی طرف آئے گا وہ راہداری کے شمال میں واپس نہیں جا سکے گا۔ انہوں نے مزید کہا کہ یہ ایک طرفہ ٹکٹ ہو گا جو غزہ کے باشندوں کو نتزاریم کوریڈور کے جنوب میں نیچے جانے پر مجبور کرتا ہے اگر وہ کھانا حاصل کرنا چاہتے ہیں۔
اسرائیلی رپورٹر نے بتایا کہ انخلاء کے درجنوں نوٹسوں کے باوجود دو سے تین لاکھ فلسطینی شمالی غزہ میں موجود ہیں۔ جنہوں نے نیٹزارم کوریڈور کے جنوب میں جانے سے انکار کر دیا۔ قادوش نے کہا کہ اس بار اسرائیل کا خیال ہے کہ امداد کی تقسیم کا یہ منصوبہ غزہ کے رہائشیوں کے لیے کوئی دوسرا راستہ نہیں چھوڑے گا اور انہیں جنوب سے نقل مکانی پر مجبور کرے گا۔
