Raza Musani 
غزہ : اسرائیلی فوج نے صبح سویرےغزہ میں اسکول میں قائم عارضی پناہ گاہ اور ایک مسجد پر بمباری کرکے پانچ بچوں سمیت سولہ فلسطینی شہید اور کئی زخمی کردئے۔ صیہونی فوج نے رات گئے خان یونس اور غزہ سٹی پر حملے کئے جس میں کئی فلسطینی شہید اور زخمی ہوگئے۔ بیت حنون میں مسجد ابرار کے قریب بمباری سے باپ بیٹی جان سے گئے۔
اسرائیلی توپ خانے نے جبالیہ پناہ گزین کیمپ میں شہریوں کے ایک گروپ پر گولہ باری کی جس کے نتیجے میں بچے سمیت چار فلسطینی ہوگئے۔ دیر البلاح میں ڈرون حملے۔ البریج کیمپ پر بمباری اور دیگر مقامات پر حملوں میں بھی کئی قیمتی جانیں گئیں۔ چوبیس گھنٹوں میں شہدا کی تعداد بیالیس ہوگئی۔
