اسرائیلی حملے، خواتین اور بچوں سمیت مزید 13 فلسطینی شہید، 2 صیہونی فوجی ہلاک

غزہ : صیہونی فوج نے غزہ پر بیس ماہ سے جاری فضائی حملوں کے تازہ سلسلے میں خواتین اور بچوں سمیت مزید تیرا فلسطینی شہید کردئے۔ ویہونی فوج نے جبالیہ میں انروا کے شیلٹر ہوم اور نصیرات میں دو مکانات کو نشانہ بنایا۔ جنگی طیاروں نے رفح ۔ غزہ سٹی پر بھی حملے کئے جس میں کئی قیمتی جانیں گئیں۔ کئی افراد ملبے تلے دبے ہوئے ہیں۔
مزاحمت کاروں اور صیہونی فوج کے درمیان رفح میں شدید جھڑپیں ہوئی ہیں جس میں دو فوجی ہلاک ہوگئے رفح کے جنینہ محلے میں مزاحمت کاروں نے ایک عمارت پر میزائل حملہ کیا جس سے عمارت کا ایک حصہ گرگیا جس میں ایک فوجی ہلاک اور دو زخمی ہوگئے۔ دو گھنٹے بعد مزاحمت کاروں نے ایک بکتر بند گاڑی کو دھماکا خیز مواد سے نشانہ بنایا۔جس سے ایک فوجی ہلاک اور دیگر 4 زخمی ہوگئے۔ زخمیوں میں سے دو افسران کی حالت نازک ہے۔ ان ہلاکتوں کے بعد اسرائیلی فوج کی زمینی کارروائیوں اور سرحد پر ہونے والی جھڑپوں میں ہلاک فوجیوں کی تعداد 418 ہوگئی۔