اسرائیل عالمی عدالت انصاف میں مقدمہ شروع ہونے سے پریشان

تل ابیب: صیہونی حکومت بین الاقوامی عدالت انصاف میں نسل کشی کا مقدمہ شروع ہونے سے پریشان۔ اسرائیلی اخبار ہارٹز نے رپورٹ دی ہے کہ اسرائیل نے جنوبی افریقہ کی جانب سے نسل کشی کے الزامات کا سامنا کرنے کے لیے عدالت انصاف میں پیش ہونے کا فیصلہ کیا ہے۔ نیتن یاہو کی زیرصدارت اجلاس میں وزارت انصاف، اسرائیلی فوج اور قومی سلامتی کونسل نے مشاورت کے بعد فیصلہ کیا کہ اسرائیل عالمی عدالت کو روکنے کی کوشش کرے گا۔ فوجی اہلکاروں بشمول چیف آف اسٹاف ہرزی ہیلیوی کو خبردار کیا گیا ہے کہ عالمی عدالت اسرائیل سے فائر بندی کا مطالبہ کرتے ہوئے عدالتی حکم جاری کرے گی۔