اسرائیل ہتھیاروں کے سوا کوئی زبان نہیں سمجھتا ہے، حزب اللہ

بیروت: حزب اللہ نے مقبوضہ مغربی کنارے میں واقع شہر نابلس میں اسرائیلی حکومت کے مہلک چھاپے کی سخت مذمت کی ہے جس میں قریب ایک درجن فلسطینی شہید ہوئے۔ حزب اللہ نے بیان جاری کرکے فلسطینی عوام اور مزاحمتی گروہوں خاص طور پر اسلامی جہاد سے گہری تعزیت کی پیش کش کی۔ حزب اللہ نے کہا کہ شہداء نے نابلس شہر میں بہادری کی تاریخ رقم کی اور جارحیت کا مقابلہ صبر اور ثابت قدمی سے کیا۔بیان میں مزید کہا گیا ہے کہ اسرائیلی قابض فورسز نے بے گناہ شہریوں کو سفاکانہ اور بے رحمی سے نشانہ بناکر تصدیق کردی کہ وہ ہتھیاروں کے سوا کوئی زبان سمجھتا ہے اور نہ ہی اسے ہتھیاروں کے بغیر روکا جاسکتا ہے۔