اسرائیل حزب اللہ سے جنگ کے لیے تیار ہے، صیہونی کمانڈر

تل ابیب: اسرائیل مشرق وسطیٰ میں نیا محاذ کھولنے کی منصوبہ بندی کررہا ہے۔ غاصب فوج کے شمالی علاقوں کے کمانڈر اوری گورڈین کے مطابق اسرائیل حزب اللہ سے جنگ کے لیے تیار ہے۔ امریکہ اسرائیل کو پہلے ہی نئی جنگ چھیڑنے سے خبردار کرچکا ہے۔ اسرائیلی فوج کے مطابق جنوبی لبنان سے حزب اللہ مسلسل حملے کررہی ہے گزشتہ روز بھی تیس سے زائد میزائل داغے گئے ہیں۔شمالی اسرائیل سے بڑے پیمانے پر شہری محفوظ مقامات پر منتقل کردیئے گئے ہیں۔حزب اللہ کی جانب سے حملے سات اکتوبر سے جاری ہیں حزب اللہ نے غزہ میں جنگ بندی تک اسرائیلی اہداف پر حملے جاری رکھنے کا اعلان کیا تھا۔