Raza Musani 
ڈربن: اسکاٹ لینڈ کے فرسٹ منسٹر حمزہ یوسف نے غزہ میں فوری جنگ بندی کا مطالبہ کردیا۔ فرسٹ منسٹر حمزہ یوسف نے برطانیہ سے اسرائیل پر جنگ بندی کے لیے اثرو رسوخ استعمال کرنے کی اپیل کی اور کہاکہ اسرائیل نے غزہ میں انسانیت کو شرما دیا ہے۔ معصوم بچوں اور بے گناہ انسانوں کے قتل پر خاموش نہیں رہا جاسکتا۔ ضروری ہے کہ برطانیہ مسئلے کے حل کے لیے اپنا کردار ادا کرے۔ان کا کہنا تھا کہ غزہ میں انسانی بنیادوں پر مستقل جنگ بندی کی اشد ضرورت ہے۔ تاکہ سخت سردی میں بیماریوں سے لڑنے کے لیے اقدامات کیے جاسکیں۔ اس وقت اسرائیل غزہ میں فلسطینیوں کی نسل کشی کررہا ہے اور اس پر مغربی ممالک کے خاموشی شرمناک ہے۔
