Raza Musani 
واشنگٹن : امریکی اخبار واشنگٹن پوسٹ نے انکشاف کیا ہے کہ اسرائیل نے شمالی غزہ سے بڑے پیمانے پر پسپائی شروع کر دی ہے۔ اور ہزاروں فوجیوں کو واپس بلا لیا ہے۔ اسرائیل نے واشنگٹن کو غزہ میں جنگ کے اگلے مرحلے میں آپریشن کم کرنے کے اپنے ارادے سے آگاہ کر دیا ہے۔ تل ابیب فوجیوں کی تعداد کم کرنے کے ساتھ فضائی بمباری بھی محدود کرے گا۔ رپورٹ میں کہا گیا ہے کہ اسرائیل نے واشنگٹن کو مطلع کیا ہے کہ وہ حماس کےقائدین اور صلاحیتوں کو ختم کرنے کے لیے خصوصی دستے تعینات کرے گا۔ تاہم اسرائیل کی پچھلی یقین دہانیاں عمل میں نہیں آئیں تاہم امید ہے کہ یہ فوجیوں کی کمی کا حقیقی آغاز ثابت ہو جائے گا۔
