Raza Musani 
اسلام آباد : اسلام آباد میں رینجرز اور پولیس نے اپوزیشن جماعت پی ٹی آئی کیخلاف آپریشن کرکے احتجاج ختم کرادیا۔ اسلام آباد کے سفارتی علاقے ڈی چوک کے قریب رات گئے پولیس اور رینجرز نے مظاہرین پر دھاوا بولا۔ زبردست شیلنگ اور فائرنگ کے بعد مظاہرین پیچھے ہٹ گئے اور رہائشی علاقوں کی طرف چلے گئے۔ آپریشن کے دوران پانچ سو سےزائد کارکنوں کو گرفتار کرلیا گیا ہے اور علاقے کو خالی کرالیا۔ پولیس کی فائرنگ اور مظاہرین کے پتھراؤ سے سو سے زائد مظاہرین اور اہلکار زخمی ہوئے۔ پی ٹی آئی نے دعویٰ کیا ہے کہ مظاہرین پر براہ راست گولیاں چلائی گئیں جس میں متعدد کارکن ہلاک اور زخمی ہوئے ہیں تاہم حکومت نے اس کی تردید کی ہے۔
