Raza Musani 
اسلام آباد :عراقی وزیر خارجہ ڈاکٹر فواد حسین نے اسلام آباد میں سفارتخانے کو زائرین کو ویزا دلانے کیلئے ہدایات جاری کردی ہیں، یہ بات انہوں نے صدر مملکت ڈاکٹر عارف علوی سے ملاقات میں کہی صدر مملکت نے عراقی وزیر خارجہ سے کہا تھا کہ وہ پاکستانی زائرین کو ویزا کی فراہمی، مقدس مقامات پر سہولیات میں مدد فراہم کریں صدر نے کہاکہ پاکستان اور عراق مشترکہ مذہب، ثقافت اور مقاصد کے حامل ہیں، تجارت اور ثقافت کے شعبوں میں دونوں ممالک کے مابین تعاون بڑھانے کی ضرورت ہے، پاکستان عراق کی سالمیت اور خودمختاری کی حمایت کرتا رہے گا.
