عراق: ووٹوں کی دوبارہ گنتی کے نتائج قانونی کمیٹی کے سپرد، بےضابطگی کے کوئی شواہد نہیں ملے

بغداد: متنازع حلقوں میں ووٹوں کی دوبارہ گنتی بعد عراقی الیکشن کمیشن نے کہ بے کہ بےضابطگی کے کوئی شواہد نہیں ملے۔ الیکشن کمیشن نے کہا ہے کہ 4324 پولنگ مراکز کے ووٹوں کی دوبارہ ہاتھوں سے گنتی کی گئی تاہم کوئی بے ضابطگی سامنے نہیں آئی۔ ووٹوں کی گنتی کے بعد نتائج میں کوئی فرق نہیں پڑا۔ دوبارہ گنتی کے نتائج قانونی کمیٹی کے سپرد کردئے گئے ہیں کمیٹی کی توثیق کی صورت میں الیکشن کمیشن کامیاب ہونے والے امیدواروں کے ناموں کا اعلان کر دے گا۔ کامیاب پارلیمانی امیدواروں کے ناموں کی توثیق کے بعد صدر نئی پارلیمنٹ سے 15دن کے اندر اجلاس طلب کرنے کا مطالبہ کریں گے۔