Raza Musani 
غزہ: حماس کے سربراہ اسماعیل ہنیہ نے ایران کو استقامتی محاذ کا اصل مرکز قرار دیا ہے، ایرانی ٹی وی سے انٹرویو میں اسماعیل ہنیہ نے کہا کہ ایران کے حالیہ صدارتی انتخابات نے علاقے میں نئے اسلامی تمدن کے چہرے کی عکاسی کی ہے، تقریب حلف برداری میں مختلف ملکوں کی شرکت اسلامی انقلاب کے 42 برس کے بعد بھی ایران کی طاقت و توانائی اور اثر و رسوخ کی علامت و مظہر ہے، انہوں نے کہا کہ غاصب صیہونی کابینہ میں اختلافات و کشیدگی نے غاصب حکومت کی کمزوریوں کو بے نقاب کر دیا ہے،انہوں نے کہا کہ مقبوضہ علاقوں میں فلسطینیوں کی جدوجہد کے 7عشروں کے بعد بھی جدوجہد بنیادی طور پر بہت مضبوط و مستحکم ہے اور فلسطینی عوام انتفاضہ کے لئے ہمہ وقت و ہمہ تن تیار ہیں۔
