Raza Musani 
تہران: ایران نے سکیورٹی خطرات سے بروقت نمٹنے کے لئے شمال مشرقی سرحدی علاقوں میں آرٹلری ایمونیش، ڈرون اور میزائل ٹیکنالوجی سے لیس فورسز تعینات کر دی ہے۔ بری فوج کے کمانڈر بریگیڈیئر جنرل کیومرث حیدری نے بتایا کہ ایران کی شمال مشرقی سرحدوں میں افواج کی تعیناتی مقامی عسکری منصوبہ بندی کے تحت کی گئی ہے جس کا مقصد ان علاقوں پر توجہ مرکوز کرنا ہے جہاں زمینی افواج کی کمی ہے۔ اس ہدف کے تحت ملک کی زمینی افواج کو اسلامی جمہوریہ ایران کی ارضی سالمیت کے دفاع کی ذمہ داری سونپی گئی ہے۔ بری فوج کے کمانڈر کے مطابق ماضی میں فوجی سطح پر کوئی مقامی منصوبہ بندی نہیں تھی جو یقینی طور پر اس مسئلے کو حل کر سکے۔ اس لیے ہم نے یہ منصوبہ بنایا اور اس پر عمل درآمد کیا۔
