Raza Musani 
تہران : ایران میں فوجی چھاؤنی پر حملے میں ملوث چار دہشت گردوں صالح میر ہاشمی، مجید کاظمی، شیخ شبانی اور سعید یعقوبی کو پھانسی دے دی گئی ہے۔ ان مجرموں نے اصفہان میں سیکیورٹی فورسز کی چھاؤنی ”خانۂ اصفہان“ پر حملہ کر تین اہلکاروں اسماعیل چراغی، محسن حمیدی اور محمد کریمی کو شہید کر دیا تھا۔مجرموں نے ایک دوسرے کے ساتھ پیشگی ہم آہنگی اور سیکیورٹی فورسز کے اعلیٰ افسران سمیت عوام کو نشانہ بنانے کی نیت سے مسلح دہشت گردانہ کارروائی کی تھی دہشت گردانہ کارروائیوں کے نتیجے میں متعدد افراد سمیت سیکیورٹی فورسز کے اہلکار زخمی بھی ہوئے تھے۔
