Raza Musani 
دی ہیگ: عالمی فوجداری عدالت نے اسرائیل کی جانب سے اس کے وزیراعظم بنیامین نیتن یاہو اور سابق وزیر دفاع یوآو گیلنٹ کی گرفتاری کے وارنٹ واپس لینے کی درخواست مسترد کر دی ہے۔ عدالت نے فلسطینی علاقوں میں مبینہ جنگی جرائم پر وسیع تر عدالتی تحقیقات معطل کرنے اورفلسطین کو عدالت کے سامنے بیان دینے سے روکنے کی اسرائیلی درخواست کو بھی مسترد کر دیا ہے۔
آئی سی سی نے 21 نومبر 2024 کو گرفتاری کے وارنٹ جاری کیے تھے۔ عدالت نے کہا تھا کہ یہ یقین کرنے کی معقول وجہ موجود ہے کہ یہ شخصیات غزہ کی جنگ میں بیان کردہ جرائم کی مرتکب ہوئی ہیں۔ وارنٹ گرفتاری سے متعلق عدالتی اختیار پر اسرائیل کے اعتراض پر سماعت زیرالتوا ہے اور جب تک عدالت اس پر الگ فیصلہ نہیں دے دیتی اس وقت تک وارنٹ برقرار رہیں گے۔
