مقبوضہ کشمیر میں بھارتی فوج کی جارحیت, ایک اور کشمیری شہید

سری نگر: مقبوضہ کشمیر میں بھارتی فوج کی جارحیت میں ایک اور کشمیری نوجوان شہید ہو گیا۔ ذرائع کے مطابق جنت نظیر وادی کے ضلع جموں میں بارڈر سکیورٹی فورس نے سرحدی علاقے میں ایک محلے کا گھیراؤ کر کے سرچ آپریشن کیا اور گھر گھر تلاشی کے دوران ایک نوجوان کو گولیاں مار کر شہید کر دیا۔ بھارتی بارڈر سکیورٹی فورس نے اس سرچ آپریشن سے متعلق کوئی معلومات فراہم نہیں کی ہے اور نہ ہی شہید ہونے والے نوجوان کی شناخت ظاہر کی ہے۔ سرچ آپریشن کے دوران موبائل فون اور نیٹ سروسز منقطع کر دی گئی تھیں۔