Raza Musani 
سری نگر : مقبوضہ وادی میں قابض بھارتی فورس کی درندگی عروج پرجاپہنچی۔ جعلی مقابلے اور سرچ آپریشن کی آڑ میں مزید دو نوجوانوں کو شہید کردیا گیا چوبیس گھنٹوں میں شہید کئے گئے نوجوانوں کی تعداد تین ہوگئی ہے۔ بھارتی فوجیوں نے سرینگر کے علاقے بمنہ میں محاصرے اور تلاشی کی کارروائی کے دوران ایک نوجوان کو گولیاں مارکر شہید کردیا۔ بھارتی فورسز نے سرینگرکے سرائے بالا اور اس سے ملحقہ علاقوں میں بھی تلاشی آپریشن شروع کردیا ہے۔ ریاستی دہشت گردی کی ایک اور کارروائی کے دوران ضلع کولگام میں ایک اور نوجوان کو شہید کردیا ہے۔ گذشتہ روز چھولگام میں بھی ایک نوجوان کو شہید کردیا گیا تھا۔ فوج نے جموں ریجن کے ضلع ڈوڈہ سے چار نوجوانوں کو گرفتار کرلیا۔ نوجوانوں کے موبائل فون اور دیگر سامان بھی قبضے میں لے لیا گیا۔
