چاہتے ہیں ہندوستان پاکستان میں جنگ بندی برقرار رہے، لیمی

لندن : برطانیہ کے فارن سیکریٹری ڈیوڈ لیمی نے کہا ہے کہ برطانیہ امریکا کے ساتھ مل کر اس بات کو یقینی بنانے کے لیے کام کر رہا ہے کہ ہندوستان اور پاکستان کے درمیان جنگ بندی برقرار رہے۔رائٹر کو انٹرویو میں ڈیوڈ لیمی نے کہا ہے کہ ہم امریکا کے ساتھ مل کر کام جاری رکھیں گے تاکہ ایک پائیدار جنگ بندی قائم کی جا سکے، مکالمہ جاری رہے اور ہم پاکستان اور ہندوستان کے ساتھ مل کر یہ جان سکیں کہ دونوں ممالک کے درمیان اعتماد اور اعتماد سازی کے اقدامات کس طرح ممکن بنائے جا سکتے ہیں؟۔ انہوں نے مزید کہا کہ یہ دو ہمسایہ ممالک ہیں جن کی ایک طویل تاریخ ہے۔ لیکن حالیہ عرصے میں ان کے درمیان بمشکل کوئی بات چیت ہوئی ہے اور ہم یہ یقینی بنانا چاہتے ہیں کہ کوئی مزید کشیدگی نہ ہو اور جنگ بندی قائم رہے۔ ڈیوڈ لیمی کہتے ہیں برطانیہ، پاکستان کے ساتھ دہشت گردی کے خلاف کام کرتا رہے گا کیونکہ یہ پاکستان اس کے لوگوں اور یقینی طور پر اس علاقے پر ایک خوفناک مصیبت ہے۔