Raza Musani 
تل ابیب: بھارت اور اسرائیل نے دفاعی اور اسٹریٹیجک تعلقات کو مزید وسعت دینے پر اتفاق کیا ہے۔ بھارتی وزیر دفاع راج ناتھ سنگھ نے دورہ اسرائیل میں اسرائیلی ہم منصب اسرائیل کاٹز سے ملاقات کی تاکہ دونوں ممالک کے درمیان فوجی تعاون کو مزید وسعت دی جا سکے۔ وزارت دفاع نے بتایا کہ کاٹز کو باہمی دفاعی تعاون بڑھانے کے لیے مشترکہ ورکنگ گروپ کے اجلاسوں کے نتائج سے آگاہ کیا گیا۔
بھارتی میڈیا کے مطابق اسرائیل ایروسپیس انڈسٹریز چھ انڈین طیاروں کو فضائی ایندھن ٹینکر میں تبدیل کرنے کے لیے جاری ٹینڈر میں حصہ لے رہی ہے۔ جس کی مالیت تقریباً 905.7 ملین ڈالر تک پہنچنے کی توقع ہے۔ گزشتہ چند سالوں میں اسرائیل اوربھارت نے فضائی دفاعی نظام، ڈرون ٹیکنالوجی اور سائبر سیکیورٹی سمیت مختلف شعبوں میں فوجی اور تکنیکی تعلقات کو مضبوط کیا ہے۔
