جنگ بندی کا دوسرا مرحلہ شروع نہ ہوا تو لڑائی پھر چھڑ جائے گی، نمائندہ بورڈ آف

پیس

غزہ : غزہ بورڈ آف پیس کے اعلیٰ نمائندے نکولائی ملادینوف نے خبردار کیا کہ جنگ بندی کے دوسرے مرحلے پر عملدرآمد میں مزید تاخیر ہوئی تو دہشت گردی اور لڑائی دوبارہ پھوٹ پڑ سکتی ہے۔ میونخ سیکیورٹی کانفرنس میں اظہار خیال کرتے ہوئے نکولائی ملادینوف نے جنگ بندی کی خلاف ورزیوں اور سیاسی تعطل پر تشویش کا اظہار کیا اور کہا کہ فریقین کو جنگ بندی کی خلاف ورزیوں کو روکنے اور عبوری انتظامی عمل کو آگے بڑھانے کے لیے اقدامات اٹھانے ہوں گے۔ انہوں نے کہا کہ ہمیں اس بات کو یقینی بنانا ہوگا کہ جنگ بندی کی موجودہ خلاف ورزیاں رک جائیں۔ ورنہ امن کی بحالی کے پروگرام کو شدید خطرہ لاحق ہوگا۔۔ل انہوں نے خبردار کیا کہ اگر جنگ بندی کی خلاف ورزیاں جاری رہیں تو فلسطینی ٹیکنوکریٹک کمیٹی غزہ میں داخل نہیں ہو سکے گی۔ انہوں نے کسی بھی فریق پر الزام نہیں لگایا لیکن واضح کیا کہ اگر کمیٹی کو کل غزہ بھیج دیا گیا اور خلاف ورزیاں جاری رہیں، تو یہ کمیٹی کو بے اثر اور غیر مؤثر بنائے گا۔ انہوں نے دونوں فریقین سے جنگ بندی کی خلاف ورزیوں کو روکنے اور کمیٹی کے عبوری انتظامی عمل کو کامیاب بنانے کے لیے اقدامات کرنے کا مطالبہ کیا۔