مغربی کنارے کا الحاق کیا تو اسرائیل امریکی حمایت کھودے گا، ٹرمپ کا مذاق

واشنگٹن : امریکی صدر ڈونلڈ ٹرمپ نے جھوٹا دعویٰ کیا ہے کہ اگر اسرائیل مقبوضہ مغربی کنارے کو ضم کرتا ہے تو اسے امریکا کی حمایت کھونی پڑے گی۔
غیر ملکی خبر رساں ادارے رائٹرز کے مطابق امریکی صدر نے یہ بیان ٹائم میگزین کو ایک ٹیلی فونک انٹرویو میں دیا۔ ٹائم میگزین کے مطابق ٹرمپ کے اس بیان کے ساتھ ہی نائب صدر جے ڈی وینس اور وزیرِ خارجہ مارکو روبیو دونوں نے اسرائیل کو کسی بھی قسم کے انضمام سے خبردار کیا ہے۔ امریکی صدر کا کہنا تھا کہ انضمام نہیں ہوسکتا کیونکہ میں نے عرب ممالک سے وعدہ کیا ہے۔
اگر ایسا ہوا تو اسرائیل، امریکا کی حمایت کھو دے گا۔ ٹرمپ نے یہ بھی کہا کہ انہیں یقین ہے کہ سعودی عرب رواں سال کے اختتام تک معاہدہ ابراہیمی‘ میں شامل ہو جائے گا۔