میں الیکشن نہیں جیتا تو امریکا میں خون کی ہولی ہوگی، ٹرمپ

واشنگٹن : امریکا کے سابق صدر ڈونلڈ ٹرمپ نے خبردار کیا ہے کہ اگر وہ صدارتی الیکشن نہیں جیتے تو ملک میں خون کی ہولی اور جمہوریت کا خاتمہ ہوگا۔ ڈونلڈ ٹرمپ نے ریاست اوہائیو کے شہر ڈیٹن میں خطاب کرتے ہوئے کہا ہے کہ اگر وہ نومبر میں جیت نہیں پائے تو امریکہ کو سنگین نتائج کا سامنا کرنا پڑے گا۔ یہ ملک کے لیے خون کی ہولی ثابت ہونے والا ہے۔ انہوں نے 2020 کے الیکشن میں اپنی ناکامی کو دھاندلی کا نتیجہ قرار دیا۔ انہوں نے کہا کہ اس سال پانچ نومبر کی تاریخ یاد رکھی جائے کیونکہ انہیں یقین ہے کہ یہ امریکی تاریخ میں اہم ترین تاریخ بننے جارہی ہے۔