Raza Musani 
تل ابیب : اسرائیلی جیلوں میں سینکڑوں فلسطینی قیدیوں نے جابرانہ پالیسیوں کیخلاف تادم مرگ بھوک ہڑتال شروع کردی۔ اسیر تحریک کے رہنما بدھ سے ہڑتال شروع کریں گے۔ جس کی نمائندگی تحریک کی سپریم نیشنل ایمرجنسی کمیٹی کرے گی۔ جبکہ دو ہزار سے زائد قیدی جمعرات سے بھوک ہڑتال میں شامل ہوجائیں گے۔ فلسطینی کلب برائے اسیران کے سربراہ قدورہ فارس نے کہاکہ قیدیوں کی سب سے بڑی شکایت انتہائی دائیں بازو کے صیہونی وزیر اتمار بن گویر کے حکم پر اپنائے جانے والے جابرانہ اقدامات ہیں۔ یہ انتقامی اور نسل پرستانہ کارروائیاں ہیں۔ انہیں روکا جائے تو ہڑتال کی ضرورت نہیں رہے گی۔ اسرائیل کی دو درجن جیلوں اور حراستی مراکز میں 170 بچے اور 29 خواتین سمیت 4,800 فلسطینی پابند سلاسل ہیں۔
