Raza Musani 
غزہ : صیہونی فوج نے غزہ میں حملے تیز کرتے ہوئے قیامت برپا کردی۔ تازہ حملوں میں خواتین اور بچوں سمیت مزید چھتیس فلسطینی شہید اور کئی زخمی کردئے۔ صیہونی فوج نے آج صبح سویرے جبالیہ میں ایک بار پھر فضائی حملے کئے اور رہائشی مقامات کو نشانہ بنایا حملوں کے تتیجے میں خواتین اور بچوں سمیت تیرا فلسطینی شہید اور کئی زخمی کردئے۔ اسرائیلی جنگی طیاروں نے جبالیہ کے مغرب میں الفخورا۔ مغربی خان یونس۔ بیت لاہیہ میں تین مقامات پر بمباری کی اور میزائل داغے۔ حملوں میں مکانات اور عمارتیں ملیامیٹ ہوگئیں تازہ حملوں میں چھتیس شہادتوں کے ساتھ چوبیس گھنٹوں میں شہدا کی تعداد ایک سو تینتالیس ہوگئی۔ بیت لاہیہ میں حملے تیز ہونے کی وجہ سے متاثرین نے نقل مکانی شروع کردی ہے۔
