Raza Musani 
بیروت : حزب اللہ نے جنوبی لبنان میں اسرائیلی ڈرون کو زمین سے فضا میں مار کرنے والے راکٹ کے ذریعہ مار گرایا ہے۔ جس کا ملبہ اسرائیل میں ہی گرا ہے۔
حزب اللہ نے اسرائیلی علاقے مسکاف عام پر بھی حملہ کرکے اسرائیل کے فنی اور تکنیکی آلات کا ایک حصہ تباہ کر دیا ہے۔ اسرائیلی فوج کے توپ خانے نے آگ لگانے والے گولوں سے نقورہ اور دیگر قصبوں کے اطراف کے جنگلات پر بمباری کی۔ اسرائیلی فوج نے حاصبیا ضلع کے قصبے کفر شوبا کی بلندیوں پر بھی دس کے قریب گولے داغے۔ اس کے علاوہ ایک اسرائیلی ڈرون نے عیتا الشعب قصبے میں ایک گھر کو نشانہ بنایا۔ اسرائیلی فوج نے لبنان میں ان مقامات کو نشانہ بنانے کا اعلان کیا جہاں سے شمالی اسرائیل میں ماؤنٹ ہار ڈوف کے علاقے کی طرف گولے داغے گئے۔
