حماس غزہ کی حکمرانی میں کوئی انتظامی کردار نہیں چاہتی، ترجمان

غزہ : غزہ میں حماس کے ترجمان حازم قاسم نے کہا ہے کہ ان کی جماعت اب کسی بھی انتظامی کردار میں شامل نہیں ہونا چاہتی۔
حازم قاسم نے ایک بیان میں کہا کہ حماس نے ایک کمیونٹی سپورٹ کمیٹی کے قیام پر رضامندی ظاہر کی ہے جوعبوری طورپر غزہ کی انتظامی ذمہ داریاں سنبھالے گی۔ انہوں نے زور دیا کہ انتظامی خلا پیدا ہونا خطرناک ثابت ہوسکتا ہے، اس لیے موجودہ سرکاری ادارے اپنے فرائض معمول کے مطابق انجام دیتے رہیں گے۔حازم قاسم کے مطابق تمام فلسطینی دھڑوں کی مشاورت سے غزہ مینجمنٹ کمیٹی کے قیام پر اتفاق رائے تک پہنچنے کی کوششیں جاری ہیں۔ ترجمان نے مزید بتایا کہ ثالثوں کے ساتھ مذاکرات کے دوسرے مرحلے کی تیاری جاری ہے جو کہ کافی پیچیدہ مرحلہ ہے، اور اس حوالے سے قومی اتفاق رائے پیدا کرنے کی کوششیں ہو رہی ہیں۔