Raza Musani 
تہران: ایرانی وزیر خارجہ حسین امیر عبداللہیان نے کہا ہے کہ حماس نے مطلع کیا ہے کہ اس کے پاس کئی ماہ تک اسرائیل سے لڑنے کی صلاحیت موجود ہیں۔ ایرانی وزیرخارجہ حسین نے کہا کہ غزہ کی جنگ کو 80 دن سے زیادہ کا عرصہ گزر چکا ہے لیکن صیہونی حکومت کو کچھ حاصل نہیں ہوا۔ حماس کمانڈروں نے بتایا کہ اب تک مزاحمتی صلاحیت کو صرف 14 فیصد نقصان پہنچا ہے۔ امیرعبداللہیان نے کہا کہ غزہ میں سرنگوں کی لمبائی غزہ کے مجموعی رقبے سے زیادہ ہے۔ طوفان الاقصٰی کے بعد سے ڈرون سازی کی صنعتیں ایک گھنٹے کے لیے بھی بند نہیں ہوئی ہیں۔ انہوں نے مزاحمت کی بڑھتی ہوئی مقبولیت کے بارے میں کہا کہ طوفان الاقصٰی کے بعد غزہ کے 70 فیصد سے زیادہ عوام نے ہتھیار اٹھا کر میدان جنگ میں اور اپنے ملک کا دفاع کیا۔
