غزہ کے چپے چپے پر بمباری، مزید 165 سے زائد فلسطینی شہید

غزہ: غزہ کے چپے چپے پر بمباری سے چوبیس گھنٹوں کے دوران نہتے خواتین و بچوں سمیت مزید 165 فلسطینی شہید اور درجنوں زخمی ہوگئے۔ غزہ میں صیہونی حملوں کا سلسلہ 85 ویں روز بھی جاری رہا۔ جنگی طیاروں ۔ ڈرونز اور ٹینکوں نے خان یونس اور رفح پر بم برسائے۔ اسپتالوں، اسکولوں، مکانات اور رہائشی عمارتوں کو نشانہ بنایا۔ ملبے سے درجنوں لاشوں اور زخمیوں کو نکال کر تباہ حال اسپتالوں میں پہنچایا گیا جہاں پہلے ہی جگہ ختم ہوچکی ہے۔ شہدا میں ایک صحافی اور اس کی فیملی بھی شامل ہے۔صیہونی فوج البریج کیمپ کو گھیرے میں لینے کی کوشش کررہی ہے لیکن اُسے شدید مزاحمت کا سامنا ہے۔ مسلسل جنگ جاری رہنے سے بیماریاں پھیلنے لگی ہیں۔
اقوام کے ادارہ برائے انسانی امور کے مطابق ایک لاکھ اسی ہزار افراد میں سانس کے انفکیشن کی تشخیص ہوئی ہے جبکہ اسہال کے ایک لاکھ چھتیس ہزار کیس ریکارڈ کئے گئے ہیں۔