Raza Musani 
برسلز: یورپی یونین کے رہنماؤں نے کہاہے کہ غزہ قحط کے دہانے اور تباہ کن انسانی صورتحال سے دوچار ہے۔ برسلز میں یورپی کونسل کے اجلاس کے موقع پر یورپی کونسل کے صدر چارلس مشیل اور یورپی کمیشن کی صدر ارسلا وان ڈیر لیین نے مشترکہ نیوز کانفرنس کی۔ یورپی رہنماؤں نے غزہ میں انسانی بنیادوں پر جنگ میں وقفے کا مطالبہ اور دو ریاستی حل کے لیے یورپی یونین کی حمایت کا اعادہ کیا۔ چارلس مشیل نے خبردارکیا کہ رفح میں زمینی کارروائی کے سنگین نتائج ہوں گے۔ ارسلا وان ڈیرلیین نے کہا کہ غزہ قحط کے دہانے پر ہے اور تباہ کن انسانی صورتحال سے دوچار ہے۔ انہوں نے غزہ میں تیز رفتار، محفوظ اور بلا روک ٹوک انسانی رسائی کے اقدامات کی توثیق کی ہے۔
