Raza Musani 
غزہ : صیہونی فوج نے غزہ میں قیامت برپا کردی۔ چند گھنٹوں میں ڈھائی سو سے زائد افراد شہید اور درجنوں زخمی ہوگئے۔
صیہونی فوج نے رات بھر خان یونس۔ النصیرات ۔ البریج کیمپ. غزہ شہر اور دوسرے مقامات پر بم برسائے۔ بمباری اور گولہ باری سے درجنوں رہائشی عمارتیں ملبے کا ڈھیر بن گئیں۔ ملبے سے درجنوں لاشیں نکال لی گئیں۔ زخمیوں کو اسپتال منتقل کیا گیا۔ درجنوں افراد اب بھی ملبے تلے دبے ہوئے ہیں۔
سات اکتوبر سے جاری صیہونی جارحیت میں شہدا کی تعداد اکیس ہزار تک جاپہنچی۔
مزاحمت کاروں نے بھی قابض فوجیوں پر بھرپور حملے کئے۔ جبالیہ میں مکان میں چھپے چالیس فوجیوں کے گروپ کو نشانہ بنایا۔ بیشتر فوجی ہلاک و زخمی ہوئے۔ نو فوجی گاڑیاں راکٹوں سے تباہ کردیں۔ اسرائیل نے مزید دو فوجیوں کی ہلاکت کی تصدیق کردی۔
