Raza Musani 
نابلس : صیہونی حکومت نے آباد کاروں کو فلسطینیوں کی املاک اور مفادات پر حملوں کی کھلی چھوٹ دیدی۔ اسرائیل میں نیتن یاہو کی انتہا پسند حکومت آنے کے بعد صیہونی آبادکاروں کے فلسطینیوں پر حملے بڑھ گئے ہیں۔ چند گھنٹوں کے دوران صیہونی آبادکاروں نے مقبوضہ مغربی کنارے میں کئی منظم حملےکئے۔ حملہ آوروں کو صیہونی پولیس اور فوج کی مکمل سرپرستی اور تحفظ حاصل رہا۔ درجنوں آباد کاروں نے نابلس کے قصبے قصرہ پر دھاوا بولا اور فلسطینی کسانوں پر حملہ کردیا۔ اس دوران قابض فورسز نے فلسطینیوں پر گیس اور صوتی بم برسائے۔ صیہونی آبادکاروں کے ایک اور گروپ نے رام اللہ کے شمال مغرب میں واقع گاؤں المزرعہ الغربیہ پر دھاوا بولا۔ اس موقع پر بھی اسرائلی فوج نے گاؤں والوں کو آنسو گیس کے بموں سے نشانہ بنایا۔ ادھر کریات اربع کی غیرقانونی بستیوں کے آباد کاروں نے اشتعال انگیز مارچ کیا۔ اور ہیبرون کے جنوب اور مشرق میں فلسطینی گاڑیوں اور املاک پر پتھروں سے حملہ کیا۔ جس سے کئی گاڑیوں کی شیشے ٹوٹ گئے تاہم کسی کے زخمی ہونے کی اطلاع نہیں ملی۔
