Raza Musani 
لاہور : وفاقی وزیر مذہبی امور اور بین المذاہب ہم آہنگی نورالحق قادری نے کہا ملک کو اتحاد کی ضرورت ہے، ملکی ترقی کیلئے فرقہ واریت سے باہر نکلنا ہوگا، مجلس علماء پاکستان کے زیراہتمام قومی یکجہتی امن کانفرنس سے خطاب میں وفاقی وزیر نے کہا کہ ملک کو جتنا نقصان فرقہ واریت نے پہنچایا ہے، کسی اور چیز نے نہیں پہنچایا، پنجاب کے وزیرپیر سید سعید الحسن نے کہا قومی ہم آہنگی اور اتحاد کو مدنظر رکھ کرمضبوط قوم بننا ہے،صوفیائے کرام نے ہمیشہ رواداری اور بھائی چارے کا درس دیا ہے، ملک میں قیام امن کیلئے صوفیائے کرام کی فکر کو فروغ دینا ہوگا، تحریک بیداری امت مصطفیٰ کے سربراہ علامہ سید جواد نقوی نے کہا کہ امت کو امتِ واحدہ بنانے کیلئے مشترکات پر آنا ہوگا، دشمن ہمیں ہر موقع پر منتشر کرنے اور آپس میں لڑانے کا سامان کرتا ہے، مگر دشمن کی ناپاک سازشوں کو ناکام بنانے کیلئے اتحاد کا مظاہرہ کرنا ہوگا، شرکا سے خطیب بادشاہی مسجد مولانا عبدالخبیر آزاد، ناظم اعلیٰ جامعہ نعیمیہ ڈاکٹر راغب حسین نعیمی، ناظم جامعہ اشرفیہ حافظ فضل رحیم اشرفی، جماعت اہلسنت کے مولانا محمد خان لغاری، سینئر صحافی سہیل وڑائچ، مجیب الرحمٰن شامی اور دیگر نے بھی خطاب کیا۔
